否認未婚妻曾做小姐

    李龍基：我好清楚佢為人

    昨日，七十二歲的李龍基偕三十六歲未婚妻王青霞(Chris)出席香港書展名人講名家故事分享會。Chris更把親手繪畫的人像畫送贈予同場出席活動的香港保安局局長鄧炳強。對於早前有傳聞指Chris曾做過“小姐”，李龍基昨日公開為未婚妻闢謠。

    早前，李龍基接受無線《星光路上》節目訪問，都有分享與相差三十六歲的未婚妻Chris的相識與相處情況，對於有網民指不看好他這段“爺孫戀”，更有傳Chris曾經做“小姐”，他坦言和未婚妻相處多時，自己最清楚對方為人，不會理會外間的不實言論。他向主持人表示：“因為佢係內地人，甚至講到佢曾經做小姐，其實佢有唔錯嘅家底同身份，有需要做呢啲咩？冇咁嘅需要，仲有我都唔係一個蠢人！老實講，咁耐嘅相處，我知道佢係咩人。”李龍基亦早已將七個物業全數轉到未婚妻的名下。

    對於未婚妻Chris最近傳出不少負面傳聞，李龍基在昨日的活動上趁機會再為她澄清，他表示：“嗰啲鍵盤手嘅留言真係好唔負責任，話佢喺東莞做啲唔見得光嘅事，唔通佢嘅事我會唔清楚過佢哋？我哋認識咗好耐，好清楚佢嘅為人，我有叫佢唔使理呢啲不實傳聞。”

    Chris亦開腔回應那些負面傳聞：“最初我都會因為呢啲傳聞而喊過，感覺好似畀人狙擊，（有人指你的畫是打印出來的？）可能因為太過逼真，先會畀人誤會。”

    李龍基表示：“我都有安慰未婚妻，（如何令Chris開心返？）我會盡自己嘅能力畀佢多啲信心，時間會證明一切，最重要係自己本身冇做過。（Chris喺你眼中是甚麼？）豬豬，可愛嘅豬豬。”被問到婚期時，李龍基表示：“我哋會喺十二月註冊結婚。”