許廷鏗大學踢波自誇了得

    許廷鏗(Alfred)第三次代言啤酒品牌拍廣告，上次表演拉檯布後，今次難度升級表演花式足球。導演安排大牌檔做背景，Alfred說：“我真心好喜歡食大牌檔，本身又打兩份工，所以壓力唔細，每日放工令我最放鬆同最開心嘅活動，就係約三五知己食飯，而食飯最緊要係好食同人情味，所以我成日揀去大牌檔，同朋友邊食邊啤一啤最無敵、最放鬆、最好氣氛。”

    當日Alfred用腳長時間控球及使出鉸剪腳踢花式，很久沒有踢波的他，笑言拍攝前一直好驚，到埋位時才發覺波一上腳，記憶馬上回來，不需NG已經踢到，幾下身手導演已經收貨。Alfred笑言：“其實以前喺大學都有踢U TEAM ，成為足球員係我細個其中一個願望，話晒我爸爸係足球教練，我哥都踢得好叻！最深印象係未入行時，代表大學宿舍踢HALL TEAM ， 嗰陣都未參加歌唱比賽，不過喺學校都有幾多擁躉，好多人喺現場支持我、嗌我咁，鋒頭都一時無兩。”