陳豪自嘲侍婢服侍四主子

    陳豪早前為“盛載人生即享年金計劃”拍廣告，他自言婚後不再以個人出發，而是朝着一家人的方向，繼而發射愛妻機關槍說：“好彩娶到Aimee，佢係我生命中嘅天使，係超級好太太和好媽媽，打理得屋企妥妥貼貼，令我無後顧之憂可安心賺錢。”陳豪又指因喜歡拍戲和做生意（咖啡），還答應了太太每年要有兩次旅行，分別是與家人和二人世界，為了享受自由自在的生活，所以必須有妥善的理財計劃。

    被問是否Aimee買重保險寫他為受益人，他大笑解釋：“有了小朋友後已經買重保險，因始終會擔心，希望小朋友將來有個保障，況且學費越來越貴，所以亦有幫小朋友儲錢。（有否收埋私己錢？）邊有！由拍拖到結婚、再生埋小朋友後，家人係第一位、係我嘅全部，所賺嘅錢全部都用響佢哋身上，與太太係財政透明。”他在廣告中扮皇帝，在家是否也是皇帝？他否認：“當然唔係，屋企有皇子、女皇和皇后，我係侍婢服侍四個主子，但我好享受有小朋友嘅生活。（再生？）唔好啦，雖然我和太太都好鍾意小朋友，但照顧和教導好辛苦。”