從小愛看日本動畫

    林沚羿自學日文遊東京

    無線新節目《職工頭圍用膳 · 東京篇》由J2er的林沚羿(Venus)以及姜麗文(Lesley)主持，今集二人走訪了東京不同特色的大小餐廳，兩位主持先後走訪了米芝蓮燒鳥串燒店、家族壽司店、港式點心餐廳、法式鴨肉拉麵及台式餐廳。其間兩位主持除大曬流利日語，Venus還同場加映韓語、英語、普通話，以及簡單的德語等，林沚羿更驚揭日語是自學。

    林沚羿解釋：“因為從小就喜歡看日本動畫，咁就慢慢學識咗。韓語係因為我喜歡嘅音樂大部分都係韓語，同埋我十七八歲嗰陣想做練習生，所以上過幾堂。”談到深入東京各餐廳飯堂感受，曾在香港餐廳打過的工林沚羿，坦言很喜歡那種“家的氣氛”。她說：“好似喺串燒店，佢哋無論工作同食飯都有講有笑，平時啲人話日本人階級觀念好強，但佢哋完全冇嗰種感覺，而負責煮員工餐嘅員工仲會特登出去買餸煮員工餐，好有家嘅縮影。”

    姜麗文則分別跟隨了日籍夫婦及香港點心老師傅，到魚市場入貨及學包中式點心，最難忘是沒想過餸頭餸尾都可以是人間美食。她又很羨慕每天一起工作的日籍夫婦、十二年未曾鬧過一場交︰“老闆話佢哋遇到問題第一時間係講出嚟，咁就好自然會去咗解決問題而唔係鬧交。”

    姜麗文說，港式點心餐廳的師徒情，也大大觸動了她：“佢哋一個係香港人，一個係日本人，十年以嚟都係只靠動作同感覺溝通，所以兩個人嘅廣東話同日文都冇進步過。”Lesley為了讓老師傅能將退休感言好好傳達給徒弟，還專誠為二人充當翻譯：“見到佢哋兩個講完之後，對住對方係咁點頭道謝，就覺得好有愛。”