星池搏殺爭出頭

    今午五場草地黃昏馬四點開鑼，是仗無外地馬轉播。練者馮耀正現領先林宏基兩場頭馬，衛冕冠軍尚未穩坐釣魚船。馮廄今仗無馬上陣，基廄則三駒應戰，爭冠時期料必拼盡爭分。另路人馬何華麟大軍壓境，佈強陣趁機發圍。

    何華麟季尾發力追數，四至六月共取七W，現排名第六，成績上升。麟廄今季養馬增多，現擁近二十駒，但部分迄今還未贏馬，練者已極欲謀交代。今仗強陣搏殺，務求替馬匹打開勝門，臨場可吼緊。

    第一場：四五班千五米。“星池”前仗千八米快放入位，中野省吾騎來夠機靈，雖未贏馬亦受人讚。上次轉戰沙地短途冷至四十倍，該仗路程不合發揮，落敗未可作據。此駒季尾成熟有進，拼後小休重來，今次再做功夫搏殺，復配中野省吾人馬夾檔，憑質新當起可爭取出頭。

    第二場：四班千二米。“騎練組合”乃遲熟馬。上季出戰多仗無建樹，今季表現轉好。拼後唞夠出擊，交田中正一主轡論配搭亦強。此駒能跟可鬥，季內千二米爛地跑過一次連贏位，料今仗路程會適應。麟廄兩駒同場角逐，此駒未贏馬必求交代，應屬馬房主力。

    第五場：四五班千五米。“創能力”連仗憑快放闖入連贏，進步良多，季尾已跑起狀態。此駒質新未見底，目前居此組作賽評分有利。拼後小休再來，論賽前打磨功夫不輟。今番轉戰千五米尤合腳法，普健士押陣人強馬壯，拼盡可凱旋。