昨日賽事總投注二百六十三萬

    普健士起孖兼捧盃

    昨天草沙混合賽完結。是仗跑打吡預賽戲碼較佳，五場總投注額共二百六十三萬四千元。

    頭場普健士騎馮廄“印度大師”以大熱姿態掄元。此駒季內屢戰未出頭，最叻跑第二。上次普健士操刀跑同程，力拼第二飲恨而回。今次原裝配搭捲土重來，臨場捧成兩倍餘大熱。騎者不負幕後所托，出閘快放跟前，沿途跟住前領馬“富田威”而跑，入直路發力衝刺一攻而破，贏來游刃有餘。“印度大師”跑至季尾終於開餬，馮耀正有交代，普健士居功不小。

    第二場余健雄贏兆廄“江河飛騰”。此駒季內演出準繩，尤其跑淋地更出色。上次余健雄跑同程得第二未竟全功，今次原配戰原程，遇上場地變化如魚得水。騎者出閘應聲彈出，全程領放一口氣直帶到尾，贏來輕鬆自如，替馬匹取得季內第二捷。余健雄、張兆煊攜手添頭馬。

    第三場普健士、林宏基攜手捧打吡預賽盃。“艷姿媚”季內轉投基廄，在練者手上撚得返生，馬匹跑沙草地表現俱佳脫胎換骨。上次草地千五米由約尼斯主轡敗後重來，今次起用普健士操刀再拼。騎者出閘跟在馬群後面而跑，入直路才衝刺，埋門發揮強橫後勁，挫敗對手爆出二十倍冷W。“艷姿媚”喜捧盃，騎練居功。賽後頒奬，普健士、林宏基接過奬盃喜上眉梢，騎者是仗起孖兼捧盃收穫不俗。

    第四場劉傲贏譚文就廄“嘉應掌聲”。此雙人馬季內已有戰功，尤其跑沙地演出更可人。上次一五一○米跑第六，拼後小休再來，今次原配劉傲出戰，騎者出閘快步跟前，沿途且戰且走，入直路發力甩開對手悉先衝線。譚廄喜添一W，劉傲亦居功。

    尾場梁曉傳贏浩廄“珍珠大哥”。此雙人馬上次爆冷贏完再來，今次原配增程出戰。騎者出閘守好位，入直路發力衝刺，埋門險勝對手，人馬連下兩城替馬房建功。梁國浩、梁曉傳齊食尾餬。