陳星妤騷美腿網民噴血

    劇集《一舞傾城》前晚劇情，陳星妤有吊威吔拍戲畫面，講到吊威吔，星妤透露今次並非第一次：“之前選港姐時都吊過一次，吊威吔都幾驚口架，但又要顧住個樣，因為要做到好Enjoy咁。”問到對拍古裝有冇興趣，星妤笑言：“我好有興趣呀，自己都好期待將來可以參演古裝片。”該集講到KK（陳星妤飾）收了Marco（關楚耀飾）五百萬分手費後，花了二百萬投資俊駒（高鈞賢飾）拍電影兼自己做女主角，並憑處女作一炮而紅。

    其中一個鏡頭星妤從高空降落，星妤曬出無敵美腿，十足仙女下凡。網民看過官方預告片後都大讚：“好有明星氣質”、“KK女神，最靚女”、“樣子甜美楚楚可憐想保護她，係初戀呀。”該劇自播出以來，在微博關於“一舞傾城”的話題突破四億閱讀量。其中“#一舞傾城句句誅心#”的話題，內容是趙碩之飾演的要獨力湊大囝囝的單親媽媽媚媚，眼見囝囝因自己的舞小姐身份慘受同學欺凌，遂以“媽咪唔係雞，媽媽係兔仔”氹返囝囝，這場戲令網友深受感動，勁吸逾七千七百萬閱讀量。