細細粒減肥保命

    “肥肥”沈殿霞，在EYT曾公開她是娛圈最具重量的藝人——二百磅，高峰期體重二百二十磅。沒有最重，只有更重。創造嬌軀二百八十六磅的“細細粒”陳嘉佳，多了一個特大的肚腩。她越撈越掂，成內地走紅的吃播KOL，每次直播都大飲大食。例如：鯨呑五人份量日本菜，或，食三十串串燒……最近，網民發現她在浙江的路邊攤，貼相上網——肥嘟嘟的陳嘉佳面容憔悴，腿腳幼細，與身型不合比例，健康狀況令人擔心。

    “為了搵食，試過一日食九餐。”細細粒坦言，藝人苦中作樂的冒險生涯，“零食、飯餐、甜品樣樣齊，幸好身體無大礙……我仲後生，暫時未有‘三高’心血管疾病，難保將來會有。所以，食播外唔食嘢，做吓運動，近年體重回落到二百二十點四磅，因為……”

    老闆王祖藍，見勢頭不對，拉了“細細粒”入減肥營！“老闆很關心公司的肥人問題”，細細粒自爆——公司組隊十三個肥人，上月尾，齊齊入減肥營：祖藍朋友福州的一間別墅，營友中只兩個好似我咁巨型身型；其他的只是多少少肉地。勝在可以互相鼓勵，餓了，悶了，都可以堅持下去……

    每位要交四萬元人民幣入營減肥費。“幾貴，幸好老闆為我支付。”談及減肥營體驗，細細粒覺得辛苦，又幾有趣。“主力調理身體，盡量吃少，讓內臟休息。還有，早晚按摩半小時，打通穴位經脈，排走五臟六腑的毒素。所以，完全唔使做劇烈運動，行街都怕破氣；最多拍下手臂、拍下大髀輕微舒展動作”。

    肥也飲食，減肥也飲食。細細粒講出關鍵，“飲食固然要清淡，澱粉及糖全斷，以蔬菜、白烚蛋及無糖豆漿為主。嚴守營規，頭四日餓到發脾氣，好不爽……”細細粒自報戰績：快速減了十五磅。期間由老師講解人體結構，適合食乜，不宜食乜。減肥在專家專案下進行，“飲水、呼吸都有技巧。”

    細細粒要細細啖飲四十度恒溫水，每日只准飲一枝半樽裝水。專家指導下，用鼻吸氣五至八秒，閉氣三至五秒，然後換氣。減肥很複雜的，切切小心，遵醫囑。

    高梁