楊明床戰蔡潔女友審劇本

    昨晚，楊明與蔡潔在新一集《一舞傾城》中，上演一分鐘激情戲碼。談及與蔡潔拍攝親熱戲，楊明說：“其實都冇乜尷尬，因為大家都入咗行咁耐，明白拍戲係咁，蔡潔好專業，而我亦都有拍呢類戲嘅經驗，大家都溝通好晒。事前亦試咗幾次位，務求用最少Take數完成呢場戲。（事前有否向女友莊思明備案？）都唔使備案，因為思明有份拍呢套劇，劇本佢睇到晒，佢知道有呢場戲，但都會同佢講聲邊日會拍呢場。最好嘅係另一半都係演員，佢會明白係咩一回事。”

    劇情講述楊明在姚子羚推波助瀾下成功約會暗戀的蔡潔，二人意亂情迷下發生一夜情，更肉緊得尤如化身人肉風火輪般轉住咀，由門外咀到上床！楊明表示，拍攝如此激情的場口不用向女友莊思明預先備案，原來女友早已審閱看過劇本。講到劇中有除衫曬肌畫面，楊明坦言事前做足準備：“因為唔想肥騰騰咁，所以拍攝前都有做掌上壓、引體上升泵脹啲肌肉，亦有聽前輩分享話拍之前要收水，希望啲肌肉唔好咁鬆。”