魯振順取消結婚

    ATV、TVB全盛期橫跨兩台的綠葉王魯振順，四十年來演盡各種角色。生活上孤家寡人，以前的“基”聞不攻自破：即將結婚，忙碌起來了——六十三歲魯振順去驗精；未婚妻找中醫吃藥通經，希望已落閘的輸卵管再度打通。

    魯振順未婚妻，芳名Julie，五十七歲，四十一年前認識於一次歌星選拔賽中，一齊上課受訓。魯振順表示，當年還在藝訓班，很少出席聚會，你有你的忙碌，我有我的工作……幾年前，新城節目《開大喇叭》中，魯振順現身，女友看到了，“了解我多咗之後，主動搵返我。二〇二〇年八月再聯絡，十一月決定結婚。”

    魯振順闖蕩江湖，有賴母親悉心照顧。他忙到晨昏顚倒，幾日幾夜開工，返家倒頭便睡，“不吃不喝，不行的！”母親熬了靚湯，用湯匙往矇矓中的魯振順嘴裡灌。邊睡邊補充營養，捱到飛起的他，才不致倒下。“我不能沒有母親，一七年，她走咗，我想跟住一齊走……女友就出現了。”魯振順講他人生如戲：“我第一次食女友煮的餃子，食咗一啖，就喊！味道同媽媽整的一樣，感覺特別Warm。女友都話，係我阿媽派佢來陪我，我會好好珍惜這段情。”

    驗精，通經，籌辦婚禮。二人專程到元朗的傳統金舖選購金飾和鑽戒，不停甜蜜咀嘴，成了網上熱搜。黃昏戀，魯振順渴望了幾十年，一直心癢癢，“見到陳榮峻同吳香倫結婚，我就好嚮往，會諗幾時輪到我……”

    據講，魯振順最近自己一個在屋企，“睇睇吓唔對路囉……”有自稱朋友網上爆料：“冇話呃錢，但覺得係Julie利用魯振順的名氣，在社交平台做直播節目《女神周記》。對外又指自己與順順在一起，實際係分咗手，你知她是經紀麼？”

    “我哋一齊，冇分手，啋過你哋把烏鴉口。”魯振順鄭重闢謠，澄清：“仲係好恩愛，變咗屋企人咁囉，（老婆變老母？）都係愛吖嘛 。”但魯振順坦言已取消結婚計劃，原定去年結婚，“好在冇落訂，擺喜酒間酒店變咗防疫酒店……”

    高梁