命運航班擺明添食

    澳馬跑埋今次，下月中就跑黃昏馬。踏入季尾，練者冠軍之爭形勢未明朗，馮耀正、林宏基兩廄仍在鬥法。騎師冠軍寶座已屬高君濤囊中之物，現居次席的中野省吾雖無緣染指，但此子復出後積極進取，今日騎足五場，睇環境會開殺戒。

    中野省吾於二月尾開始停賽十日，四月尾復出後頻展攻勢，至今已取五冠六亞二季，成績急彈，排名穩守第二。中野省吾年輕力壯又騎得，放頭馬更可掌握方寸。此子有鬥志，戰駒在手搏盡為止，其座騎可重視。

    第二場：四班千二米。“喜運孖寶”千二米好手，季內跑同程已取兩捷，可見路有專長。上仗由牌仔主轡未能充分發揮，跑回第五敗得無奈。拼後小休操好再來，今次用搶閘夠快的中野省吾執韁不同估計。此駒前速可取，遇上馬少場合形勢有利，出閘快人一步可順利放返。

    第四場：四班千二米。“金星之星”連仗後追不及，熱門倒灶輸得人多。拼後小休又來，今番易配中野省吾形勢改觀。此駒善鬥後勁，直路衝刺凌厲，遇同組對手多不穩分子，倘騎者發揮得宜，有力勝回一仗。

    第五場：五六班千八米。“命運航班”上仗千五米談笑用兵，贏來全無壓力，反映馬匹仍有分在手。拼後匆匆再來，原配中野省吾增程續戰擺明要添食。此駒質新未盡，今次出擊打鐵趁熱，遇對手平平無奇，力足再下一城。