江若琳宣佈一索得男

    江若琳的預產期是下個月，為了迎接BB即將誕生，她日前與老公蕭唯展舉行Baby Shower（產前派對）。之前一直不肯透露BB性別的二人，當天甜蜜地公佈將會迎來一個兒子，江若琳在社交網站留言道：“It’s a boy，好多朋友仔都估中咗，好叻呀，你哋！好明顯我都係一個佗仔樣，希望生完會消腫啦。”

    江若琳又笑言要恭喜老公，因為將來可以父子檔睇波：“呢幾年你成日無限幻想第時有個仔同你去睇英超，你又話要有個仔第時培育佢踢足球。我每次都話有咗先講啦，但到有咗嘅時候，你又成日話一定要個仔。恭喜晒，你又夢想成真啦。登登，生煎小王子駕到，以後多個人陪你包生煎包啦，而我又多個男人錫我啦，全屋被仔包圍住，好有安全感！因為我兩隻貓都係仔。”