姚子羚女人打交戲唔易拍

    前晚《一舞傾城》播出的一集，魚旦媽（莊鍶敏飾）眼見八十萬仲介費凍過水，遂向KK找晦氣，夾埋廿九組一班姊妹捉住KK來打，幸好Michelle（姚子羚飾）趕到救場，更葉問上身一個打九個，非常好打。一班女仔打群交，又扯頭髮又摑來摑去又起飛腳。姚子羚十分難忘這個場口：“平時都係同男演員打多，今次難得同女演員打，仲要一個人打咁多個女仔，覺得都幾得意。”

    但同女仔拍打戲也有難度，她說：“女仔打交通常都係扯頭髮、掌摑，好擔心啲位就得唔好同埋無情力會整親大家，拍完之後見到佢哋啲手紅晒，我都好心痛。記得有個動作，我打完莊鍶敏再打莊思明，莊思明要成個人撞埋個櫃度，佢撞完跌落地下我都好緊張，即刻問佢有冇事，好彩最終順利完成。”另一焦點是萬國城初戀之夜，蔡潔和陳星妤着校服化身學生妹，以水手裝校服上陣，文凱玲則以運動裝登場；至於陳法蓉和姚子羚齊齊化身性感女Miss，戴上眼鏡及以低胸貼身裙上陣，養眼度十足。