邀得華仔任壓軸嘉賓

    李克勤當旺不言休

    前晚，一連七場的“弦續李克勤 · 港樂演唱會”壓軸演出，克勤請來好友劉德華擔任嘉賓，兩人合唱《如果有一天》及《我恨我痴心》，令台下歌迷情緒高漲，氣氛熱烈。

    李克勤今次一連七場的紅館演唱會舉行以來，每晚都會選唱一首其他歌手的作品。前晚壓軸演出，他在台上表示：“今晚我揀佢嘅呢首歌，點樣形容佢呢？我問過佢：你情願人讚你靚仔，定係讚你唱歌好，演戲好？佢話靚仔！以下呢首歌，送畀劉德華先生：《如果有一天》。”這時劉德華升上舞台，隨即觀眾的歡呼聲震撼紅館。二人合唱完這首歌後，華仔說：“其實我一直都好驚。”克勤表示：“你都會驚？”華仔笑道：“驚呀，上一次我都係唱呢首歌吊喺半空兜咗一個圈，就要同大家講：下次再見啦！所以今日再唱呢隻歌，對我來講係好有意義，但又好驚，個心慌㗎！”克勤即問華仔：“咁你幾時再開唱呀？你記得叫我來呀！”華仔就話：“好快㗎啦！”他之後再跟克勤合唱《我恨我痴心》，更叫全場觀眾站起來，把氣氛帶到最高點。

    克勤前晚又唱出半首《傻女》，令台下捧場的原唱者陳慧嫻成為焦點，被身邊的觀眾不停“集郵”。到了與觀眾的互動環節，全場大合唱《 紅日》後，克勤大讚觀眾：“呢邊唱得咁勁，唔怪得啦，原來張敬軒喺度！哈哈。”

    到了“安歌”環節，克勤連唱了三首歌，觀眾更舉起手機燈跟着大合唱，現場氣勢好勁，場面感人。

    演唱會後，克勤接受傳媒訪問，他表示歌迷及觀眾的熱情，令他非常感動。他又笑說：“我估自己可能係香港開埠以來，喺紅館收得最多利市的歌手，哈哈！（反應這麼好，會否開Part 2？）暫時未有計劃，但呢個騷會喺世界各地巡迴舉行，九月或者去澳門再做，歡迎大家去開旅行一齊到世界各地睇。（你壓軸唱出《一生不變》時，是否差啲感動到想喊？）的確係好感動，但男人老狗，盡量忍住唔會喊。（有歌迷說要禁止你退休？）係呀，佢哋好驚我退休，但大家唔使擔心，我家庭負擔重，唔會退休住。”