肥媽鼎爺飲食趣聞

    經過一段婚姻失敗，“死！都唔會再婚。”舞刀弄鏟的肥媽，熱廚房中，大談人世間的甜酸苦辣——有一次，看徐小鳳演唱會，小鳳姐問我，經歷過一段婚姻唔驚咩？點解會嫁第二次？肥媽問小鳳姐點睇愛情？“佢話，愛情係一部小說，睇完後，收埋心中。”

    講到人間至情，“屋企人是不能觸及的底線……”肥媽揮舞菜刀談護子。“當年，我個仔兩歲，被一個街童打到口腫面腫，返到屋企大嗌救命，我第一時間拿着把刀衝出去，我一劈，個(口+靚)仔一縮，件軍褸爛咗，棉花出晒來。”回憶當時畫面，肥媽哽咽說：“呢鑊，冇得傾呀，我的底線就是我的仔女。你唔明一個做阿媽的感覺，你有乜理由打到我兩歲仔豬頭炳咁樣……”

    富貴如浮雲，肥媽煮遍天下，自己食過最貴的一餐飯，埋單七十萬。“頭盤每人一碗粥已經要二十四萬，當然唔係我畀啦。”相信此粥不會在熒幕上表演了——“鰻魚苗熬粥，好似蝌蚪，條尾長少少……我問，可唔可以唔食，畀返我一萬銀……”

    岔開兩大筆，香港廚藝史的奇珍，富翁考廚師，一般都考乾炒牛河……但，此翁招積，我給你一千元發辦——煲一碗白粥。結果，千元白粥誕生，頂級陳皮煲白粥。廚師到香港最古老中藥店，要最舊的不知年陳皮，千元才半両；越老陳皮越要落得多，熬了一碗白粥，看似無料的。再講大銀行家午餐只吃粥的故事，日日午飯到隔壁大餐廳吃粥。及弟粥三元，大富翁要吃十元一碗的……結果，標準碗盛載，並無珍饈百味，亦一碗粥而已。膶、腸、肉丸各一件，標準的三及弟，仍收十元，許多材料用來熬湯煮粥……

    “佢食每一樣嘢都計過晒，牛肉少食，豬肉一年只食一兩次！”鼎爺大爆好兄弟李小龍飲食習慣，即場製作李小龍生前食過的“涼拌麻香雞絲粉皮”。節目中更曝光鼎爺年輕時的爆肌相，健碩腹肌粒粒分明。

    鼎爺和肥媽有一個共同的人生況味，“燊哥為人幽默，好鍾意佢講嘢，好有味道。燊哥曾話肥媽好犀利，幾十歲人，生咗十七個仔女……”

    “你點樣拍拖(口+架)？”鼎爺請教肥媽，畀後生學下嘢……

    高  梁