賓菲加一球碌“卡”

    【本報消息】本地甲組足球聯賽賓菲加、蒙地卡羅昨在氹仔運動場的次席大戰，費爾達斯一箭定江山，賓菲加一球碌“卡”贏三分上次席。士砵亭鬥加義，謝薩斯入三粒，綠白軍五比二贏波“加”三分，搶得今季首勝。

    蒙地卡羅、賓菲加昨晚九時對撼爭次席，賽前暫列次席的蒙卡，開賽後表現積極，連斯、法蘭廉先後起腳，但未能將攻勢轉化成入球。賓菲加機會不多，仍與蒙卡維持“五五波”。戰至卅六分鐘，狀態甚勇的費爾達斯門前建功，賓菲加開紀錄領先一比○。兩隊換邊後仍然拉成均勢，賓菲加有梁灝然、梁智誠、丹尼爾射門未中目標，蒙卡前線同樣有機扳平，但賓菲加門將奧利華拉連番勇救。後衛人腳不整的蒙卡，尾段更有鄭正揚傷出。賓菲加最終保住半場優勢贏一比○，以較佳對賽壓過蒙卡升上次席。

    士砵亭搶今季首勝

    士砵亭昨晚七時鬥加義，馬利亞、謝薩斯各建一功，士砵亭半場領先二比一。列比路下半場梅開二度，一度為加義扳平二比二。不過加義隨後時間接連失機，士砵亭把握機會靠反擊及罰球攻勢，謝薩斯完成帽子戲法，後備上陣的陳俊輝尾段入波，士砵亭五比二擊敗加義搶今季首勝。

    榜首澳科今戰台星

    甲足今晚六時續戰，榜首澳科鄒北記迎戰台星，澳科人腳實力有明顯優勢，迪亞高、艾美達領軍，澳科有望順利延續連勝強勢。尾場八時青鋒迎戰BARBIE聯樂，青鋒靠高美斯、朗尼利、馮智恆等掛帥，面對今季發揮不穩的聯樂，青鋒睇高半線爭連勝。