青鋒3:1破恆勢

    【本報消息】本地甲組足球聯賽，昨晚七時在氹仔運動場上演兩戰。青鋒鬥恆勢，高美斯梅開二度，協助青鋒贏三比一。BARBIE聯樂二比二逼和士砵亭，士砵亭搶得今季第一分。

    門將屢救險球保勝局

    青鋒迎戰恆勢，實力佔優的青鋒開賽後掌控主動權，朗尼利開波僅八分鐘頭鎚建功，助青鋒迅速領先一比○。青鋒之後連番失機，不過仍靠高美斯在四十二分鐘，接應朗尼利傳中頂入擴大優勢至二比○。恆勢一分鐘後有J柏度個人技術壓入禁區追近至一比二完半場。

    恆勢換邊後積極反撲，但後防早段再犯錯輸十二碼，高美斯操刀中鵠梅開二度，青鋒四十八分鐘再次拉開到兩球優勢。面對恆勢不斷反撲，青鋒門將馮智恆在餘下時間屢救險球，協助青鋒維持比數贏三比一。

    士砵亭搶今季第一分

    聯樂迎戰榜尾的士砵亭，兩隊尾段火藥味十足，士砵亭更有R柏度完場時報復式踢向對手領紅。上半場十五分鐘，士砵亭由黎國豪建功領先一比○，但優勢僅維持六分鐘，聯樂即由黎洛賢扳平，兩隊半場踢成一比一。聯樂換邊後形勢佔優，士砵亭則靠一次死球攻勢，陳俊輝在六十八分鐘破網再領先。聯樂之後雖有安祖射門越位食詐糊，但八十五分鐘射遠柱，助聯樂二比二逼和士砵亭搶回一分。