麥玲玲出私伙演貴婦過戲癮

    無線劇集《法言人》下周踏入結局周，除了主線角色的感情發展進入直路外，法庭個案亦是浪接浪。前晚的一集個案主角是特別演出貴婦“白小姐”的麥玲玲。她在網絡引發不少迴響的名牌手袋，前晚亦終於曝光，相當駕勢。

    談到前晚演出由頭帶到落尾，玲玲笑言過足戲癮：“今晚好多朋友打嚟，又影相Send畀我，好開心！拍嗰時梗係開心，因為我好少拍呢種角色。”為了認真演好“白小姐”這角色，麥玲玲會遷就劇組拍攝行程，再安排自己的其他工作，更是所有手袋及服裝均是私伙，身穿的套裝，更是開劇前已找設計師度身訂造：“今次所有衫同手袋都係私伙，我唔係藝人身形，所以寧願自己安排好晒。”麥玲玲還笑指其私伙手袋在拍攝現場大受歡迎：“大家一見到啲袋就好興奮，我仲講笑叫馬明買一個畀靚湯，佢話千祈唔好：‘佢一定以為我做錯事’，好搞笑。”