鄭秀文七月紅館開騷

    鄭秀文(Sammi)昨日正式宣佈，將於七月假香港紅磡體育館舉行“You & Mi 鄭秀文世界巡迴演唱會香港站 2023”，開騷日期為七月十四至十六、十八至十九、廿一至廿三日共八場。早前Sammi演唱會海報已曝光，海報大騷其弗爆身材，氣勢逼人，連她本人都表示好滿意。海報中Sammi服飾有型性感，她以全身肌肉線條完美演繹，狀態大勇。Sammi 說：“拍攝當日心情又興奮又緊張，好希望拍到一輯好理想嘅海報，無論概念、造型、服飾、攝影，甚至耳環都好講究，帶出不一樣感覺畀觀眾，大家睇到就會明白。”

    她透露事前認真做了一些功課：“我喺拍攝前做好皮膚護理、瞓好啲、做Mask等基本準備，當日影海報條裙確實有少少難着，因為剪裁特別又好多元素，有舞台感、高貴感，仲有啲Punk，一套衫有咁多元素，好特別，所以我都要做好身形管理。結果冇問題，已經過咗一關啦，我好滿意！”身材弗爆的她承認以前飲食比較節制，現在心態較隨意，不變的是堅持勤做運動。她說：“我試過168（ 每天八小時進食），甚至204（ 每天四小時進食），但有時好想食都會照食！”