方紹聰大馬險撞爆後腦

    J2台節目《野外步出3玩野加大馬》由方紹聰身兼監製及主持、胡敏芝和黃紫恩擔任客席主持，昨晚首播。方紹聰在上兩季已在香港挑戰各項體能任務，第三季衝出香港遠赴馬來西亞大玩野外挑戰，包括笨豬跳、瀑降、War Game、空中滑翔、洞穴探索、涉水、越野車、攀岩及飛索等，另外還會挑戰世界最巨型滑水道，攀爬千二米高山The Pinnacles。方紹聰和胡敏芝在首集接受許多挑戰，卻出現連環瘀皮事件。方紹聰玩飛索時出師不利險撞爆後腦；胡敏芝一時“眼盲”險些命喪九泉，又因體重過輕慘遭“半天吊”，高危情況不斷。

    方紹聰感激公司讓他向世界出發，並且還邀請不少嘉賓助陣，計有馬來西亞土生土長的靚女藝人及素人，還有“怡保長腿女王”張慧儀。方紹聰稱是次邀來六位靚女嘉賓齊齊挑戰，其中四位由公司安排，另外張慧儀及靚女素人則是自己親自碌人情卡。談到與張慧儀相識經過，方紹聰笑言全靠多口水：“我哋拍劇識，嗰時我又唔識死，同前輩傾偈冇有怕，佢覺得我咁多嘢講又幾得意，所以就做咗朋友。所以一知道要去馬來西亞，就即刻邀請佢上嚟參加拍攝。”