游嘉欣膽生毛爆肥媽講粗口

    由肥媽、李家鼎及游嘉欣主持的飲食節目《肥媽李鼎》，今晚播映第四集，主題是“火爆事件簿”。

    愛錫家人的肥媽坦言屋企人是她不能被觸及的底線，她表示：“唔好搞到我屋企人，如果唔係老竇都係假！”她更自爆為保護兒子做過的火爆事。性格同樣火爆的鼎爺，則大爆“老臨抽水”事件，他說：“有次喺TVB拍嘢，佢係一線女演員，有個臨時演員借啲意喺度揩吓哄吓，我話你搞咩嘢，佢（該臨時演員）話關你X事，我即刻着火，跟住佢就變咗豬頭喇叭嘴！”

    肥媽與游嘉欣即時八妹上身問該女星是誰，鼎爺說：“八十年代，依家返咗內地工作。”游嘉欣講到不少人認為肥媽和鼎爺十分躁底，肥媽坦言：“大聲唔代表我唔斯文，講粗口唔代表冇文化。”鼎爺接話：“黃霑有冇文化？佢句句都有粗口嘅。”此時，游嘉欣竟膽生毛說：“肥媽講得十分之流暢。”肥媽即拋窒她：“乜你有聽到我講粗口咩？”鼎爺則自爆講粗口獲讚賞，他笑言：“我講粗口好順耳㗎喎，有人話我講粗口有高低音Do Re Mi。”