昨晚賽事總投注二百〇九萬

    譚文就起孖特蘇日墮馬

    昨晚沙草混戰順利完成。是仗戲碼平淡，五場總投注額共二百〇九萬元。

    頭場六班混戰，譚廄“型仔喜悅”由牌仔劉傲執鞭，埋門挫敗大師傅高君濤“步快如飛”先拔頭籌。此駒連仗皆北，上次千二米約尼斯主轡包尾而回，輸十七個馬位。敗後轉戰沙地改配牌仔出擊，騎者出閘快步跟住第二位，沿途拍實“步快如飛”來跑，走至埋門發力，一攻而破將對手擒下，跑完獨贏有六倍分頭不俗。“型仔喜悅”沙地開齋，反映性能適應，質新馬實力未盡露，開竅後料季內還有頭馬見面。譚文就、劉傲率先開餬。

    第二場余健雄再贏基廄“力奇神駿”。此雙人馬上次贏完草地千八米再臨，今次轉戰沙地一五一○米，跑來依然有生氣，出閘跟隨馬群而走，沿途節節推進，入直路發力衝剌，埋門力壓前領馬“飛賣品”爆十倍冷W。“力奇神駿”夥拍余健雄取連捷，替林宏基廄增添進帳。

    第三場一二班混合賽熱倒冷爆。是場本七駒角逐，但賽前“嘉應掌聲”退出，實得六駒參與。馮廄“印度王子”牌仔特蘇日出閘應聲倒地，馬匹無人駕馭下跑畢全程，騎者及後由救護車送院治理。此場譚廄“豐收寶”由中野省吾主轡，埋門險勝“金槍霸”爆出二十二倍冷W。中野省吾刑滿復出即贏馬，並替譚文就廄完成起孖任務。

    第四場高君濤贏錢健明廄“馬主聯盟”。此雙人馬連仗受追捧無功而回，上次改由張志立出戰草地落敗。今次回師沙地復配高君濤主轡，遇上同場有馬孭飛，獨嬴竟然有近十倍，騎者發揮水準埋門將手一網打盡，替馬匹取得今季第二W。

    尾場劉志森廄包辦馬房Q。旗下“暴風雪”由普健士押陣挫敗廄侶“不醉無歸”。此雙人馬上次爆完冷再來，今次原程出擊。騎者駕輕就熟，以較佳留放再下一城。普健士打疊贏兩W。劉志森包Q食尾餬。