劉佩玥廚藝差唔驚嫁唔出

    昨日，劉佩玥(Moon)一身春裝打扮身穿短裙，到觀塘出席商場復活節活動。阿Moo說曾在復活節活親自下廚煮大餐：“我會煮三色椒炒雞柳及白酒煮青口，我都好驚唔熟，不過有爸爸從旁指導，父母食完都冇問題。”問到她廚藝麻麻，爸爸可擔心她嫁唔出，Moon倒不擔心嫁唔出，笑說：“結婚都唔係一定要搵個識煮飯嘅做老婆，如果冇人要，相信爸爸都會包起我一世，同埋細佬結咗婚，佢哋都唔想我咁快嫁，否則會好悶。”

    近日無線（藝人管理及發展）助理總經理樂易玲接受內地傳媒訪問時，透露力捧旗下四生四旦，阿Moon榜上有名，她開心地說要加倍努力：“好驚喜又榮幸， 因為我哋四個女仔（陳瀅、陳曉華、蔣家旻）一齊拍《美麗戰場》 係好朋友，更加要加倍努力， 不負大家對我嘅期望。”受力捧可要簽長約？她說：“本身個約都好長，長唔長約唔係最重要，因為自己好鍾意演戲，仲有好多嘢都未試過、未學夠，公司有好好嘅平台畀我不斷學習。”