紅館開唱啜林明禎

    馮允謙落淚謝父母成全

    前晚，唱作歌手馮允謙(JayFung)在紅館舉行第二場《JAYPOP LIVE@COLISEUM 馮允謙演唱會2023》，老闆林建岳、蔡一傑、ANSONBEAN、Jer@MIRROR、“Jay女郎”徐喬(Asha)和劉沛蘅(Hillary)、洪卓立、肥仔@ERROR、Tim@Dear Jane與太太楊洛婷、應智越（細貓）等捧場。他們不但在Jay勁歌熱舞時，起身跟住跳舞，完場後跟粉絲一樣不肯離開現場，而且還起哄大叫“JayFung”和“Encore”，非常熱情。

    Jay再度出場，演唱他作曲填詞的英文歌《How many times》，大派心心。表演嘉賓林明禎，前晚換上全新紅色貼身裙，大騷身材和美腿，她與Jay貼身舞火辣升級，最後兩頭靠近幾乎啜嘴時關燈，令人充滿幻想，全場尖叫。另一位表演嘉賓梁釗峰出場，亦令全場氣氛急升。他們合唱《我好想你》後，釗峰透露與Jay首次約會是一起去欣賞填詞人周耀輝老師的音樂會，而剛才合唱的歌正是他的作品，希望大家喜歡他們的合唱版。

    釗峰揚言Jay在他心中很重要，又說：“佢身邊每個人都愛惜、關心和照顧佢，係有原因。幾年前佢生日，我模仿佢錄過嘅一段旋律，唱咗句生日快樂嘅訊息畀佢。正常都係覆一句多謝，最多畀埋心心，但佢唔只畀心心，仲錄返條影片畀我，一齊睇。”台上熒光幕播出Jay將多謝的說話用英文唱出，非常可愛。釗峰問觀眾：“係咪好Sweet？嘩，我好想Check吓當時糖尿指數。其實我都好想知喺Jay心目中釗峰係點？有一次拍節目，佢話：‘我每次見到釗峰都好開心、好想笑，佢個樣好似Snoopy。’”

    Jay台上兩度灑淚，當他唱《Days, They've Gone Too Soon》時，說感激父母支持他追夢：“Daddy媽咪，我今日夢想成真，我企喺呢度……（全場掌聲和歡呼聲）聽唔聽到？雖然我唔係做醫生或者好叻，但我真係好鍾意音樂，多謝你哋畀機會追我嘅夢想。”他邊說邊抹眼淚，除了唱歌還吹奏一段口琴。另外唱《Keep on fight on》時說這歌是他在谷底時，歌詞給他很大安慰，唱到一半就忍不住喊，觀眾拍掌鼓勵。演唱會尾聲，Jay邀請全場觀眾開手機燈，自拍星海大合照，非常壯觀。