陳奕迅快閃展覽場面墟冚

    昨今兩天，陳奕迅(Eason)在銅鑼灣為新歌《塵大師》舉行快閃展覽。昨日中午十二時，Eason現身為“塵大館”舉行開幕儀式，有過千人排隊攞籌等入場。

    Eason到場後即向歌迷打招呼，並笑言自己好耐冇試過搞這些活動，覺得自己好像返回剛出道時期。他表示：“同大家好近，都有啲怕醜，但係又好開心，因為見到大家，好多謝你哋……”

    昨日，Eason更親筆為“塵大館”題字，他笑言：“等我諗吓寫咩，係咪為佢加持畀啲好運？咁希望入嚟嘅朋友都可以有好運帶回家啦！”之後他寫上“係咁咦”三個大字並表示：“ 我哋做人，其實梗係‘係咁咦’最開心啦，哈哈！” 題完字，他又自讚：“我寫得唔錯呀…….哈哈。呢個空間其實係我一班好有心嘅同事搞出嚟， 希望大家一陣入到去時，可以感受一下呢隻歌，領悟到做人‘係咁咦’放鬆啲嘅態度。”

    Eason離開時，大批歌迷希望可以和Eason握手及索取簽名，Eason 心軟簽了部分，但人潮愈來愈多，擠滿整條街，工作人員及保安人員要Eason 馬上離開，這次快閃活動亦同時結束。