雙陳帶貨銷售額破二千萬

    陳自瑤直播六小時有壓力

    本月三十日，Yoyo（陳自瑤）將會進行第二次跨境電商直播。鑑於“雙陳”陳豪與陳敏之在首次直播帶貨中，全場銷售額突破二千三百五十萬人民幣（約二千七百三十萬澳門元），成績相當亮眼，成功打響頭炮！令《識貨》首屆冠軍陳自瑤都感到好緊張。

    記者問陳自瑤：“私下是否精明消費者？＂她笑稱：“本身我係慳妹性格，我買嘢多數會格價，睇吓邊度啲嘢平啲、品質好啲，亦都會睇吓網上面啲Comment。” 記者再問：“是否‘講價＇達人？＂她則笑謂：“我自己有時買嘢都會盡量揀啲性價比高，又平又抵又高品質嘅貨品；講價方面，如果講到價嘅地方我都會盡量講嘅。”

    陳自瑤又指，自己平時絕不胡亂將貨品推介給朋友：“我不嬲做嘢比較謹慎啲同實際啲，所以我介紹得畀朋友嘅嘢，係真心覺得好用先至會介紹。所以如果我做帶貨活動，都真係想推介一啲真正好用嘅好嘢畀大家呀。”

    Yoyo主持的這輯帶貨直播，主題圍繞無線經典劇集，將內容結合到電商直播平台，利用TVB的龐大IP庫，為用戶創造耳熟能詳的直播場景及主題，提高電商直播的獨特性，並增加受眾觀看時的投入感及過癮度，這亦將會是無線未來重大發展方向及項目之一。

    談到接捧“雙陳”主持直播帶貨，陳自瑤坦言心情緊張又興奮，並謂自己為該個電商直播獻出了多個第一次：“我未試過正式真係做一個咁大型嘅直播帶貨騷，所以好緊張，係好大嘅挑戰。”向來做事認真的陳自瑤，為了將最好及最抵買的貨品推介給受眾，將會花大量時間做事前準備：“因為都好多貨品需要去了解佢嘅用途、成份同其他所有嘢。今次挑戰六小時直播帶貨，都係我人生從未做過嘅嘢。”