昨日賽事總投注逾二百○五萬

    馮耀正起孖普健士開齋

    昨天草沙混戰完結。是仗戲碼普通，五場總投注額二百○五萬四千元。

    頭場四五班混戰，牌仔劉傲騎麟廄“大師兄”快放先拔頭籌。此駒季內多仗未贏馬，今次落班用牌仔減磅搏殺。騎者快步搶前，三扒兩撥順利貼欄，沿途領放一口氣直帶到底，贏來游刃有餘，替馬匹取得今季首捷。“大師兄”質素有限，今次用牌仔減磅建奇功。劉傲、何華麟携手添進帳。

    第二場徐錦輝騎馮廄“祥駒”大勝而回。此雙人馬上次捧成大熱只跑第三名，令捧場客失望。今次原裝配搭捲土重來，騎者不敢怠慢，出閘把握先機，帶頭領放，沿途愈放愈有，一口氣帶到輕取對手多個身位，替馬匹補中，跑完獨贏變大熱只得兩倍。“祥駒”平反敗局，徐錦輝、馮耀正齊添頭馬。

    第三場高君濤贏馬。此子頭兩場座騎三甲不入，跑至此場騎劉志森廄“國金駒”，以快放姿態走返。此駒轉倉後還未贏馬，上次劉永康跑梗頸四，拼後加强配搭用高君濤再戰。騎者謹慎從事，出閘應聲彈出，全程領放直帶到尾，贏來從容不迫，替馬匹取得轉倉後首捷。劉志森贏馬交代，高君濤記一功。

    第四場普健士開餬。此子騎馮耀正廄“蔬菜飛駒”以較佳留放後上挫敵。此駒上次蔡義武贏完換人再來，今次易配回歸後首日上陣的普健士出戰，騎者發揮水準替馬匹取得連勝。普健士贏馬開齋，馮耀正起孖。

    尾場余健雄騎林宏基廄“鯊魚仔”，爆冷食尾餬。此駒上仗高君濤跑第六無功而回，今次換上余健雄再戰。騎者發揮水準挫敗對手，爆十四倍冷W食尾餬埋齋。