曾比特分享抗眼瞓妙招

    有見香港人經常捱眼瞓，但仍能維持高效率工作及清醒頭腦，無線J2台推出真人騷《我要瞓鬥》，將“瞓鬥”精神發揚光大。主持人選有曾比特 (Mike)、陳葦璇及陸浩明。相關宣傳短片製作得十分用心，除了有三位 J2ers 伍韻婷 、廖慧儀 及林俊其分別飾演“純白眠羊”及“瞓鬥 CP”外，向來愛扮鬼扮馬的黃建東，亦會飾演“催眠周公”。

    揚言愛瞓覺的 Mike，笑指隨着年紀漸長，已甚少“捱夜唔瞓”，並大方分享抗眼瞓三大妙招：“平時眼瞓會食香口膠，或者周圍行嚟行去，同大聲地唱歌提神。我覺得眼瞓好多時係因為坐喺度唔郁，坐吓坐吓就會好悶。所以你見我成日走嚟走去，係因為我成日都好眼瞓。”