糖妹扮陳慧嫻網民驚艷

    無線劇集《新四十二章》下周大結局，日前劇集又有搞笑位，被指樣子倒模陳慧嫻的糖妹，獻唱對方經典金曲《跳舞街》，由於糖妹無論聲線及樣子均神還原陳慧嫻，令網民大感驚艷。另外“瘋狂版”孫慧雪（雪雪）閃現彩蛋亦為網民帶來驚喜，事緣一算（鄭子誠飾）為了追查殺死小琳真兇，四出搜尋附近店舖的閉路電視影片。他其間遇上便利店店員雪雪，她是一算鐵粉，除要求一算Selfie，又逼令一算狂唸急口令，搞到一算聲都沙埋，最終一算駭然發現雪雪原來精神失常兼假扮店員。

    談到相關場口，雪雪坦言拍得十分開心：“我哋有試唔同力度，有誇張版又有冇咁誇張版畀導演選擇，我哋拍完都覺得好滿足，多謝大家鍾意。”是次是雪雪繼《殺手》後，再與鄭子誠結片緣，雪雪透露是監製精心安排：“今次我呢場客串係監製特登安排，因為佢覺得我同子誠出嚟搞笑一定有火花，估唔到真係好似佢預料咁，我都好開心拍出嚟之後，真係有網民記得係陳查理同Yumi。”