馬仔信張婉婷非立心不良

    馬浚偉（馬仔）首度為港台監製的廿集電視劇《我們的畢業禮》，前日於西貢拍攝，出席的演員有施匡翹、湯寶如、陳秀珠、程可為及胡渭康等。談到張婉婷執導的紀錄片《給十九歲的我》近日公映所帶來的負面報道，他說有留意，並對學生、導演各方面都感到心痛。他指製作人花了十年時間拍攝紀錄片，但也要顧及學生的感受：“張婉婷應該付出好多，但溝通可能真係出咗問題，真係要加強溝通，我有睇到張導嘅訪問，我非常認同乜嘢都大唔過個學生、呢班女孩子，大人要顧及學生感受，要先處理好先，唔好再令佢哋有唔舒服嘅感覺。”

    馬仔說原意係一件好事，但令學生唔開心就暫且放下：“她們仲有好長條人生路，我亦相信張導演係出於一片美意，原意係好，但溝通唔好或者就好危險，尤其牽涉到小朋友，因為佢哋未成年，呢個係要小心。”馬浚偉又稱本身是校長亦是學生身份，所以很體諒及明白學生的心態。而他監製的劇集《我們的畢業禮》中，也有起用大學生，但都是已成年及是來實習的，他們會有車馬費的，亦不是一個正式工作。《給》片暫停公映，馬浚偉認為處理適當。張婉婷受千夫所指，他說：“我相信佢應該唔會立心唔好，但無論如何最後令到小朋友心靈受創都係唔合適。”