郭羨妮養貓當仔有感情
郭羨妮(Sonija)與謝雪心前日到會展出席“動物醫生宣誓就職典禮2023”，心姐更帶同兩隻愛犬到場。而本身有養貓的Sonija亦表示很想帶愛貓出街，但不太方便。自小已愛飼養動物的Sonija，先後養過六隻狗，最高峰養了三隻狗及一隻貓，大部分都是領養，平日主要靠媽咪打理。她謂養了十五年的愛犬去年離世，剛巧她當時身在加拿大，未能送牠最後一程，自己都好遺憾。至今都不敢睇返牠的片段，女兒面對這件事都好傷心。
可夠膽再養寵物？Sonija說：“都會，佢哋十幾年生命，一直等同屋企人咁，只要對得佢哋好就無憾，做到我嘅寵物，都係一種緣份。”她透露現時家中養了一對貓：“貓女畀我個女要咗，培養佢嘅責任感。（你做咗婆婆？）係，我已做咗阿婆，貓仔就係我個仔，因為我冇生仔嘛，本來想將佢同貓女配成一對，但佢哋夾唔嚟，佢已經閹咗，之前我生日前佢大病咗一場，我幾驚佢有事，好彩最後冇事。”談到工作，Sonija說將會客串演出港台劇集，加上目前已通關，有工作就會北上。
