單立文聽老婆話戒夜酺

    昨晚，單立文（豹哥）亮相由郭偉亮、方力申、胡美貽等主持的的J2台《鋪鋪 Poker》節目。

    豹哥在電影《賭俠》中演大奸角“侯賽因”，賭術精湛鋪鋪幾百萬上落。戲中有句經典對白，是侯賽因奸笑對住劉德華講“開嚟見我，TWO啤想偷我雞？”這句對白昨晚在《鋪鋪 Poker》節目亦重現。豹哥自爆向來沒有賭運，最多都是打麻將，他笑言敢輸不敢贏，因為贏了的錢不懂得處理。 他還自爆有過瘋狂歲月，試過有年多兩年每日都是傍晚六點半新聞時段才起床，他笑說︰“嗰時興 Rave Party，日頭瞓，夜晚就去玩。啲腳有 LMF、謝霆鋒、何超儀，玩完一個場仲唔夠，玩到最後一個場，磨爛席，仲周圍問人有冇第二個場。”差不多每日都係“見光死”，玩到朝早才返屋企。老婆胡蓓蔚則不厭其煩，以“煩音”勸豹哥“唔好咁夜瞓啦！”豹哥話最後都聽老婆話，不過對於那段時光，他同以前啲腳傾起，都好有回憶。

    豹哥亮相《鋪鋪 Poker》節目