飛賣品有力放到

    今午上演五場賽事兼轉播外地馬，戲碼不弱，新正頭馬迷入場觀賽亦不失為好節目。兔年賀歲馬高君濤獨中孖寶收穫最豐。此子今仗只騎三場，計座騎實力不弱，當紅騎師仍堪重視。日將中野省吾座騎爆滿，全日五駒多屬牌面馬，馬迷投注可視為“扶手棍”。

    中野省吾騎功不差，尤其騎放頭馬更耍家，不少練者喜供馬予其搏殺。今仗此子騎足五場，不乏靠放頭食餬馬，拼盡應有數餬能力，今日買馬可搵佢做膽，或有意想不到收穫。

    第一場：四五班千二米。“飛賣品”上仗同程由頭直帶到尾，初出新馬表現悅目，騎者發揮亦算出色。此駒質新未盡，潛力豐厚，全熟後料可扶搖直上。拼後唞夠再來，今於此組作賽仍佔優勢，途程合腳法，出閘入切順利，有力放到。

    第三場：一二班一○五○米。“豐收寶”沙地悍將一向靠快放食餬，班底夠厚且往績出色。此駒季內連仗落敗，但評分已減現居班次有微利。拼後加強備戰，埋門力磨火氣上升，狀態轉佳。今仗交中野省吾操刀，欣逢路合檔宜，可取勝此陣。

    第五場：六班一五一○米。“大玩意”上仗千八米放至埋門力弱，敗後重新打磨再來，今仗用中野省吾操刀應不會無的放矢。此老馬未頹，前速夠快，跑沙地尤合發揮。欣逢路合且配搭完整，憑騎者放馬功夫，有力帶返取勝。