順天應時重遊勝路

    周六第四場三班沙地一三五○米，首選上仗大熱倒灶的“順天應時”，剛戰無疑全程無段好睇相當令人失望，但騎者沿途取位欠積極敗不足據，以現時多跑情況下，落腳應轉慢增程正合，退熱後值得再追一次。

    “盛通之星”今季跑得最好的兩仗，得一冠一亞皆由今次配搭高君濤所騎，但近三仗皆配其他騎師可當作回氣，今戰重遊季內唯一贏馬路程，又可由蟲變龍。

    “誰愛合金”最近一仗贏馬跑同程所得，所贏的對手“江河神獸”其後能補中可見賽績甚佳，勝後跑其他路程落敗，再回師近勝路程，如能及早搶出全程主動，隨時可施回馬槍。

    “浩勝傳承”近兩仗跑沙地短途均能入位，證明目前評分甚為着數，論馬增程三百米亦合腳法，只要留放較佳亦具威脅力，拖埋無妨。