MC壓軸個唱基仔全家撐場

    前晚大年初一晚上，一連三場的MC張天賦的《This Is Mc》演唱會圓滿舉行。當晚古巨基擔任表演嘉賓外，基仔太太更帶同三歲的囝囝古晋匡（Kuson）前來捧場，實行一家三口齊撐場，十分畀面。

    MC一連三場紅館演唱會圓完滿結束，前晚尾場除了現場有一萬多觀眾捧場外，他更做了網上直播，有三十九個國家及地區的樂迷一起觀看。適逢當日是大年初一，MC先跟觀眾拜年，恭祝大家新年快樂，身體健康、心想事成。觀眾就在MC走近握手時，向他大派利市和禮物，令他的三架超級市場手推車真的像去完超市購物一樣，滿載而歸。

    MC個唱前晚的嘉賓是古巨基，基仔上台後與MC合唱一曲《自我安慰》。唱歌之餘，基仔亦不忘搞氣氛，他摷衫袋說太太為他準備了利市給MC，同時笑謂：“我人生第一次做嘅事呀，喺紅館台上派利市。好開心可以做你嘉賓， 我哋認識一年多，你由busking 唱到紅館，係一個好勵志嘅故事，喺我心目中你係好叻！”基仔除了擔任嘉賓，他的老婆和囝囝Kuson亦是座上客，實行一家三口齊齊撐場，十分畀面。

    當晚MC唱出《世一》一曲時吐心聲說：“好開心今年成為第一個喺紅館度歲的歌手，多謝大家畀咗我一個可以握手、(扌+豆)利市、坐滿100%嘅紅館演唱會。今日嘅我，未必係最好嘅，但我必定會繼續努力，努力認識自己，努力學習去進步，多謝大家。我會畀心機，務求喺大家心目中做到《世一》！”

    之前兩場個唱都沒有“安歌”的MC，前晚壓軸騷上，終於“安歌”了一曲《給缺席的人唱首歌》，獻給天上的父親，不過他唱到一半時，已經泣不成聲，場面感人。