鯊魚仔放到唔奇

    今晚五場沙地賽出馬不算少，但形勢“立立亂”，頗多場合多駒對峙，熱倒冷爆唔奇，投注宜執生。練者林宏基上賽中兩元，頭馬增至十六場，龍虎榜上續領先。今晚基廄沙地精品出擊，睇環境會食住個勢上。

    林宏基廄好鬥志，戰駒逢出必拼，馬房近期捷報頻傳。上次新年首仗練者又起孖寶，刻下氣勢正盛。基廄要爭奪今季冠軍寸土必爭，今晚七駒列陣，買馬跟紅頂白，值得盯緊。

    第一場：六班一三五○米。“浩勝同德”服役後跑過多場未有戰功，近期轉倉後走勢有轉機，尤其前仗同程得第四表現勇進。拼後加強操練，今番重整旗鼓再來搏殺。此駒質素新，現居班次應夠周旋，續由張志立操刀，騎者連番摸準馬性。今遇對手水鬥水居多，有力爭取來澳首捷。

    第二場：二三班一○五○米。“盛通快馬”上仗同程力拼掄元，徐錦輝騎來人馬合拍。此駒質新未盡，走勢愈來愈好。拼後小休匆出，幕後趁馬有勇態再搏。此駒前竄速度夠快，今番原配再戰原程，憑騎者駕輕就熟，有權添食。

    第五場：四班一五一○米。“鯊魚仔”草地起家，跑沙地亦有績支持。馬匹前竄速度夠快，放頭馬跑最煞食。前仗用牌仔搏殺遇伏，上仗原配出擊無功而回，只因排檔失利。今番換上黃世浩主轡配搭較強，抽到一檔有助貼欄領放，出閘倘順利帶頭，隨時放到唔奇。