奕迅開騷好驚又好笑 

    冬至夜，陳奕迅完騷後，撲出後台門口，一怔，面對一位十八歲妙齡少女，想抱，卻退兩步；少女不理三七廿一，衝前撲抱着陳奕迅，緊緊不放，十分痴纏。在旁陳妻徐濠縈，毫無辦法。久別的天倫樂啊，情難自禁。

    奕迅每晚開騷，徐濠縈和女兒康堤都是座上捧場客。雖然家人晚晚相對，卻是這麼近那麼遠。演唱會籌備至演出期間，疫情關係，盡量避免緊密接觸，奕迅獨自住進酒店……最牽腸掛肚的——女兒獨自留在家中，徐濠縈醫院發佈網上照片——做手術後，插着喉管躺在床上自拍。面色蒼白，難掩憔悴，未有透露病況……分身不暇的陳奕迅，面對“妻病女離”，唔驚就假。他透露當時睡不安寧，就咁走咗，點算好？出一額冷汗。幸好，開騷期間，妻女晚晚安坐台前，成了演唱會一大景點。

    演唱會名堂：驚慄與夢幻！一開場，奕迅即發揮搞笑本色，疫情下開二十五場演唱會，“唔好以為我唔驚，其實我好驚。”觀眾大叫“唔信”！“演唱會咁大空間，坐幾千人，你試吓，就算現在，坐你側邊嗰位，坐近你少少，你都會縮開，心諗不如避避啦，點知佢有冇嘢。哈哈，不過，人的適應力好強嘅。”引得歌迷好驚又好笑。

    凸顯個唱“驚慄”主題，紅館自塌熒幕意外後，奕迅反而掛上空前最大熒幕，全場看得更迫真……他睡着出場，躺在床上發噩夢，口、鼻、眼睛、耳朵鑽出蜈蚣與惡蟲，他跌床下，“夢”而已，繼而一口氣唱了八首歌，歡樂氣氛又飆升。

    如夢、如幻、如電、如露，古今人生有不同角度，看演唱會也有不同角度。奕迅問台前觀眾，票價多少？“九百八十元。”你一定冇六百八十元的位咁好。有人說，陳奕迅可愛之處，在於“癲癲得得”。果然，他說：“後面一定好過第一行，佢哋視野開闊好多，睇晒成件事，都係坐後面着數少少。”此觀點也有天王講過，坐“山頂”最着數，但握不到手！

    歌迷大叫：“我愛你！”奕迅笑回：“你哋唔好咁肉麻啦，其實我好鍾意聽。”

    高  梁