韓馬利演中風病人感同身受

    無線一連五集的短劇《仁濟心》今晚播映第三集，以“抗疫福袋製作小組”日常為故事基礎的《仁濟心》，透過五個真實個案帶出“殘而不廢”等正面訊息，演員陣容包括袁偉豪、蔣家旻、錢嘉樂、韓馬利（Mary姐）、文雪兒、吳家樂、寶珮如、董敬文、李紹堅、譚永浩及曾淑雅等。

    今晚播出的《仁濟心》將探討照顧長者問題。於二○一九曾因腦膜炎入院，並坦言有感曾一隻腳踏進鬼門關的Mary姐，受訪時透露因自身經歷更了解病人的無奈，她說：“無論點樣，個病都係要自己面對，但屋企人的支持同安慰真係好緊要。”談到飾演中風角色，Mary姐透露有向身邊有相關經歷的朋友取經，並謂最大難度來自說話速度：“個角色同我性格有啲相反，因為我不嬲快手快腳，講說話亦好快，但呢個角色所有嘢都要拖慢。同埋要注意語速，雖然為了配合角色要唔伶俐，但太唔伶俐又擔心出街觀眾聽落唔舒服，所以個節奏唔可以拖太慢、亦唔可以太過舌累脷。”