榮華煌日坐位望贏

    周六頭場六班千五米，睇好鄒欽華馬房的“榮華煌日”。上季尾及今季初同程配搭劉傲獲亞後，近兩戰分別角逐千八米及用其他騎師跑同程，落敗不足據。今場故劍重逢且在較慢場地角逐有助發揮，得檔利不失為坐位望贏的馬膽對象。

    “大財運”剛在上周六不敵千八米路程專家“如意威威”非戰之罪，匆匆縮程再戰亦合腳法。只是騎者由減磅騎師換上大師傅未必着數，故列作副選。

    “大威成”上季尾試過在同程連續兩戰得一冠一亞，之後連仗大敗演出甚令人失望。但今戰重遊勝途而得排一位，隨時可由蟲變龍。

    “浩勝同德”上仗轉馬房初出得第四，演出比轉倉前進步甚多，馬匹體重減低可能有幫助。如以上仗走勢計，易地增程可能會更合，不能太過睇小。