疫下首次離港工作

    米雪大馬為慈善出力

    米雪（米記）之前到馬來西亞，為亞視主席兼執行董事賴彩雲拿督斯里舉辦的大型慈善活動《愛無界 · 真英雄公益頒獎典禮》擔任頒獎嘉賓。雖然行色匆匆，但為善出力，加上是疫情後首次離港工作，米記難掩興奮心情，形容此行好有意義。

    米記有三年沒有離港，坦言疫情下連拍戲都變得困難。她無奈說：“縱使電視劇唔會停拍，不過，拍攝上都會出現困難。但辛苦都要去做好每件事，尤其為咗做慈善。”《愛無界 · 真英雄公益頒獎典禮》頒發獎項予五位無名英雄，由米雪出任頒獎嘉賓。現場還有林子祥、心動女孩、心動學員、Jin金志遙等當表演嘉賓。

    米雪回顧此行說：“最開心同場見到林子祥，雖然大家都係來去匆匆，但難得相遇，其實佢都係我心目中嘅真英雄，為樂壇貢獻咁多。”她認為“真英雄”的愛係發自內心，願意去付出及努力，不求任何回報，只希望世界變得更好。她說：“如果大家都咁有正能量，將一點一點嘅愛變成大海，呢個社會會變得更和諧，呢個就係我呢次行程嘅最大感受。”

    至於賴彩雲就封米記係偶像，她說：“我都係睇港劇大嘅，而米雪係港劇入面嘅風雲人物，能邀請到佢出席好開心。”米記跟亞視都好有淵源，早年拍佳視劇集《射鵰英雄傳》走紅，也拍過亞視經典劇集《大內群英》、《秦始皇》等。她大讚亞視係電視先驅，當年所拍的武俠劇及關於社會民生劇集都好受歡迎：“至今亞視依然求創新，大家畀多啲時間佢哋更上一層樓。”另外，賴彩雲希望舉辦這次活動，號召更多的人加入公益事業，因為最有愛心的人，可能就是無名英雄。