張繼聰以溜冰比喻事業
前晚，張繼聰為溜冰場周年活動擔任嘉賓，他亦即興與在場的小朋友一起玩溜冰，樂在其中。
阿聰坦言一對子女都有學溜冰，他表示：“我記得小時候有得去溜冰場玩，已經會好開心。最難忘六歲時為港台拍攝劇集，也是在這個溜冰場取景，當年拍一集劇都要花上七至八日，我便可以玩足一個拜禮溜冰，真係開心到不得了。（你溜冰水平如何？）大家都睇到啦，只係一般，但起碼我可以在冰上行走又唔容易跌低。做男人都係要咁，同埋好似我嘅事業咁，仲企喺度。”
阿聰今年再戰樂壇，但為何沒有出席商台舉行的《2022年度叱咤樂壇流行榜頒獎典禮》記招？他笑言因為路程遠兼有工作在身，但都有睇網上直播，看到場面都十分盛大和熱鬧。
