“大眼雞”余子明病逝

    外號“大眼雞”的資深藝人余子明昨日病逝，享壽七十八歲。余子明今年初曾中風入院，左邊身暫時癱瘓，需要坐輪椅，由家人照顧起居飲食，到十月底時他兒子社交網上載最新相片，見余子明雖然臉容消瘦，但眼仔睩睩尚算精神。當時他兒子透露爸爸身體狀況明顯退步，因濃痰太多化不開，擔心情況嚴重會引起併發肺炎，所以急送院檢查。談到父親離世，其兒子表示：“多謝關心！有心！”無線對余子明離世深表惋惜，向其家人致以深切慰問。

    曾效力無線四十多年的余子明，最出名是當年在《歡樂今宵》扮演“大眼雞”為人所熟悉，又參演過不少劇集演出，在《封神榜》中演姜子牙最為經典。曾在劇集《踩過界》中演余子明女兒的朱智賢說：“尋日我喺社交網睇到佢嘅消息，見佢都瘦咗好多，頭先收到消息話走咗，好愕然好可惜，失去一個咁好嘅前輩，《踩過界》係我第一次同佢合作，佢好專業，Roll機前大家仲講緊笑，一正式佢即刻可以喊到，幾秒間入戲，眞係好犀利。”