沈卓盈首次帶囝囝亮相

    近日，型男爸爸黎諾懿帶同囝囝小春雞（峰睿）、星級媽咪沈卓盈偕寶貝仔Jayden出席於商場舉行的聖誕主題活動。

    小春雞一到場已經興奮不已，急不及待拉住爸爸到處影相留念，並表示“同學仔一定好羨慕！”兩父子更組隊試玩新遊戲，他們互不相讓，玩得十分投入！

    沈卓盈當媽後專心湊仔，久未露面。她當天首次帶同寶貝仔Jayden公開亮相，女神風采依然！母子倆率先到多個場景打卡，一歲多的Jayden活潑可愛，但好黐媽咪，經常要大力攬實及錫錫，氹得媽咪好開心！沈卓盈童心未泯，試玩“尋找聖誕禮物”的電子遊戲。當被問到將來會否限制囝囝玩遊戲機時，她表示：“我自己都好鍾意打機，真係好紓壓！唔會特別唔准佢玩，適可而止就可以，何況呢類益智遊戲，能夠訓練思維同開動腦筋！”