球迷睇波注意言行

    今季七人小球受組隊、疫情等相關因素連帶影響，儘管成功舉行賽事，但亦更改賽制，取消升降班，改為挑戰賽、碟賽晉級，半場時間亦縮減至二十分鐘，有球迷形容“食之無味，棄之可惜”。

    事隔兩季回歸的七人小球，比賽正進行得如火如荼，吸引不少街坊、球迷入場睇波。七人小球一直是球迷最愛之一，其實早年經常出現全場爆滿，無位坐的球迷唯有站在場邊睇波。

    近年觀眾人氣大減，早在疫情前一季，觀眾人數已有下降，大戰亦難再出現全場爆滿的熱鬧境況。

    不過鮑思高場細，球迷雖少但氣氛仍在，雖然觀眾人數距離全盛時期仍相距甚遠，不過比起大波十一人聯賽，其實氣氛已好了不少。

    球迷睇波難免夾雜大量個人情緒，甚至無吐不快當場大鬧，但球隊表現、以至針對球證執法，能夠掀動球迷情緒，其實正正代表球迷睇得投入，這亦是體育比賽的精粹之一。批評無問題，不過正所謂“相嗌唔好口”，體育比賽始終是老小咸宜，球迷仍需注意個人言行，以免引發無謂爭拗。

    賈大廚