新碟MV圓滿收官

    陳柏宇感激姜皓文助陣

    昨日，陳柏宇 (Jason) 推出全新專輯《The Fight Goes On》，同時亦推出全碟最後一首派台歌《有天》。這張專輯第一首作品《對得起自己》找來姜皓文（黑哥）拍MV後，今次最後一首派台歌《有天》的MV，亦得到黑哥助陣，十分圓滿。

    Jason推出新碟《The Fight Goes On》，全碟歌曲的MV中，都是講一家人的故事，所以今次推出最後一首派台歌《有天》的MV，亦延續這主題。

    Jason請到黑哥在《有天》MV中繼續飾演爸爸的角色，不過他已由上次演的潦倒運動員，變身成為跑步教練。今次再度能參與拍攝Jason新歌的MV，黑哥表示好興奮：“好開心Jason、唱片公司同Kenji導演都好信任我，畀多一次機會我拍Jason的MV。連接返上次演爸爸、潦倒運動員，再做看更，發奮做人之後，而家做咗跑步教練。所以唔單只隊Crew及演員，就連我養嘅小狗金仔都長大咗！”

    黑哥向來注重健康飲食，但為了拍Jason的MV，竟然破例狂食雪條！黑哥說：“好耐未食過雪條，對上一次食雪條，就係拍《對得起自己》MV，食咗唔知四定六條，今次都係食咗咁上下多。其實只要Jason開聲就得，我一定會幫手，因為佢今次新碟全部都係一啲好勵志嘅歌，係正嘅，好鍾意，加油！”

    Jason表示：“黑哥回歸再拍MV，功勞不在我，我出乜嘢面都應該搵唔到黑哥返嚟，係公司同事同埋導演Kenji嘅功勞，再一次搵黑哥返嚟幫我哋包頭包尾，有個圓滿結束。”

    作詞人周耀輝談到創作《有天》這首歌的點滴時坦言：“所謂的陰晴圓缺，所謂的天意，其實也是一種自然，大自然會帶來新的一天，會黑，會光，有光就會看到路線，那就一直走下去，看看能走到幾遠就幾遠，就算去不到想去的地方，就算幾黑暗看不到前方，很多人、事都未必跟以前一樣，也要存在信念。”

    據悉，Jason這首新歌《有天》的MV，昨晚六時已於YouTube首播。