台慶劇爆選美黑幕？

    無線五十五周年台慶劇，自己播映揭露——香港小姐競逐有重重黑幕：為了造馬，監製、嘉賓、保母、服裝、化妝，心狠手辣，大做手腳……被指狗血劇的《美麗戰場》，講到明：“這是香港小姐選舉。”無線可以控告無線誹謗了。香港小姐，機構旗下一個獨立委員會。

    劇集的名字講明，這場選美黑幕是“香港小姐”。劇中樂壇金牌經紀王一言，明令阿寶（陳瀅飾）去選港姐，點解？人人都話自己靚，各花入各眼，你靚到甚麼程度呢？要有個標準——香港小姐，可說一級靚了。也是榮華富貴的敲門磚。琪琪弄虛作假不擇手段，也來鬥靚鬥詭計。

    劇集擺明，這是一個靚女鬥蛇蠍心腸的戰場，似“畫皮”被撕開，極之恐怖……“ 香港小姐”有可能控告無線涉嫌中傷誹謗的。

    “以往講選美，通常講台前，今次講埋後台，是否揭開選美內幕，就要觀眾自行分析。”劇集旗手葉導，猶抱琵琶半遮面，“這十個候選佳麗角色，連登仔都會認識。而樊亦敏這高層，是個主要造馬角色。”

    “陳山聰演王一言，戲迷估角色原形，以黃栢高(Paco)作藍本，都幾有趣……”葉導讓戲迷繼續估——陳瀅劇中英文名叫Michelle，而同演一對的方力申進入戲肉了。“佢咁耐都未試過戴眼鏡演戲，我堅持要佢戴，估下點解？他演宇少，追求港姐，出名有妙招的……”

    宇少（小方飾）追阿寶（陳瀅飾），“冧女方法誇張，即將亮招了，但大家學唔到嘅，女仔一定會冧。無法拒絕……”葉導面對批評是“狗血劇”，大爆選美黑幕，不忘介紹冧女妙招。從來觀衆口味好難估。簡單一碗餐蛋麵，竟是女仔的迷魂湯。清純大學生家明，張馳豪演來正氣勤奮，有點木訥，用心煮一碗麵，已令女朋友神魂顚倒了，純情少女，周圍也實在太多。

    芸芸靚女，出乎意料的，劉佩玥演的狗仔女，專揭富豪媾明星，也隨時隨地為閨密作保護神，捱義氣，甘當有辱無榮的貼地角色。葉導分析箇中微妙：“冇乜嘢做，只係一個好朋友，但係，每個人都希望有個李靜兒在身邊……”

    高  梁