與海外聲夢隊爭冠軍

    任暟晴打友誼波冇壓力

    《聲夢傳奇2》三甲任暟晴(Jasmine)、黃洛妍(Janees)及趙紫諾(Sabrina)，前晚到邵氏影城出席《聲夢傳奇2海外踢館賽》記招，她們將會聯同一眾“聲夢2”畢業生組成的Star Team，跟海外參賽者組成的Dream Team比拼，爭取“團體冠軍”殊榮，每隊各設一個“舞台魅力獎”，優勝者可獲得廿萬獎金。會上又宣佈《聲夢傳奇2》下月的演唱會將加開一場。

    戴上眼鏡排練的Jasmine，顯得一臉倦容，她透露因感冒未清，加上有點喉嚨敏感，已經睇了醫生，但康復得較慢，為安全起見還是戴上外科口罩。可擔心影響踢館賽表現？她有信心說：“應該OK，會早啲休息。（有冇信心贏？）今次係友誼賽冇競爭，Take it easy，當係識新朋友。”

    自信十足的Janees稱，向來演出前都會充分準備，會加入不同新元素，今次亦不例外。Sabrina就透露準備了一首自己很喜歡的歌表演，並臨時加入了新元素，但覺得不夠時間準備，所以要留低彩排，希望可以有好表現。

    談到演唱會加開一場，Jasmin認為是很好的慶祝畢業表演：“好開心，又有機會同粉絲見面，對大家嚟講係一個好好嘅回憶。”她之前奪冠獲十萬元獎金，打算如何運用？她說：“未問媽咪收到錢未，未惗過點用，儲住先，我怕自己一時衝動使錢，但其實我冇特別嘢想買，冷靜吓先。（會唔會用嚟請其他學員食飯？）佢哋有叫我請食飯，咁都好應該請大家食一餐。”為比賽要戒吃至愛炸雞的Sabrina，笑言賽後終可吃炸雞及飲了珍珠奶茶，由於要準備踢館賽，需要再次戒口，Janees指在比賽前一星期會飲食清淡。

    《聲夢傳奇2》澳洲冠軍孫佳利(Lorraine)、馬來西亞冠軍彭詡越(Xair)說，本月初已到港，期間主要拍攝及練歌，但也有出去玩及食嘢，此行會逗留至月尾。被問今次要挑戰香港聲夢2學員，Lorraine說有留意對手，覺得大家都好有特色及爆發力，不只唱歌，整個表演都好好，令到她也有點緊張。她不諱言最留意彭家賢(Zayden)：“佢個性格好幽默，同佢一齊相處好舒服及好開心，我本身廣東話唔好，佢好支持我。”