陳欣妍滴蠟白只嗨到暈

    陳欣妍(Shirley) 在青春愛情喜劇電影《忽然心動》中，為了完成AV題目的畢業論文而找了白只幫忙，過程中她大玩制服誘惑換上白恤衫、黑裙及配戴眼鏡，打扮成老師在白只身上滴蠟，而白只半裸上陣外，更被Shirley用紅繩捆綁，畫面相當搶鏡！

    由於兩人都是首次接觸滴蠟，拍攝前兩人都非常興奮，直接在身上試滴，Shirley說：“我自己有滴一兩下喺手度，無咩感覺，有少少溫度，（驚唔驚整傷白只？）無擔心，因為我自己剛才已先試過！”

    至於捆綁部分，白只坦言第一次拍攝時自己比較生硬，第二次就因為和Shirley開始熟絡，又笑稱自己並不期待這部分，只想盡快完成：“因為我個人比較內斂同認真，但估唔到去到第二次，我同Shirley合作咗一段時間開始有默契，唔知道佢係咪已經進入個角色，佢玩捆綁時好投入好帶動到我，所以我都有一種興奮過度嘅狀態，其實拍攝時我就嚟暈，係因為我太high，唔係太攰。”