電鍍合金神生步爽

    昨周一晨課，快跳馬只有五駒，其餘皆作踱步操練，部分馬匹表現已上力，現選擇數駒評述。

    “電鍍合金”由梁曉傳踱步，按韁而行，神生步爽，馬身輕盈，踱來一氣呵成。今季首仗跑草地千五米，憑快放得第二，走勢上力。拼後休息，復課操練加強，態況更勇，下次復出上陣，仍值得再睇好。

    “不醉無歸”由騎馬人踱步，全程俯首而行，踱來神態集中，身型亦靚，有八九成水準。去季取六冠一季成績，季尾最後一役爭澳門金盃，敗於強手，不足為據。唞暑後復課已操過七課，走勢有進，相信今季復出上陣，將會有理想表現，值得留意。

    “天騏貓”由騎馬人踱步，馬身扎實，毛色立立靚，踱來身輕步爽，氣勢甚強，神態生猛。此質新馬去季只跑過三次，取得兩冠一季成績，證明潛質不弱。收季後休息，復課加強操練，走勢更進一步，今季復出上陣仍值得再睇好捧場。

    “飛龍在天”由騎馬人踱步，貼欄大步踱畢全程，步順有力，神態生猛。此駒質高，去季取得四冠兩亞一季成績，今季首仗跑沙地一三五○米，由於易配徐錦輝，未被馬迷睇好，不過馬匹仍憑快放爭得第二，僅負頭馬個多身位。拼後小休，復課已操過八課，走勢上力，因此下次復出，仍值得再捧場。

    “國金之星”由騎馬人踱步，貼欄而行，精神集中，翻步力度不弱，狀態仍有水準。上季由錢廄轉投基廄後，表現仍未理想，季尾再轉投馮耀正馬房後，首仗憑快放走勢勝出。收季後操練加強，態況更勇，料下次上陣仍會有表現。