《大鬧天宮》無敵手

    上世紀六十年代，誰人不識《大鬧天宮》？新中國第一部長篇卡通，當年上畫，哄動全國，票房創紀錄；去外國參展，鬼佬亦大讚好戲，“正過迪士尼！”曾獲獎無數，至今仍無出其右。

    萬籟鳴，《大鬧天宮》老竇，歷時四載，嘔心瀝血。其筆下孫悟空，乃史上最靚美猴王，精靈刁潑，反轉天宮，耍死眾仙，惡搞玉帝。人物襯景盡顯華夏特色，國人觀之眉飛色舞，鬼佬睇到目瞪口呆：“點拍？”

    萬氏源出四兄弟，籟鳴、古蟾、超塵、滌寰，皆卡通奇才，百年前已在上海打出名堂，曾創亞洲首部有聲長篇卡通《鐵扇公主》。老大萬籟鳴心懷一夢，要《大鬧天宮》搬上銀幕。

    雖曾在香港覓得宿主，卻被半途斬纜，老萬幾萬念俱灰。至新中國成立，佢返回上海，國家支持，組精英團隊，《大鬧天宮》重出生天，終成經典。

    廿五年前今日，萬公駕鶴，年九十七。

    西門公子